නිවැරදි ආකාරයෙන් කෝපි පානය කරන්න ඔබත් මේ කරුණු ටික දැනගෙන ඉන්න

 නිවැරදි ආකාරයෙන් කෝපි පානය කරන්න ඔබත් මේ කරුණු ටික දැනගෙන ඉන්න.


මේ ප්‍රශ්නයට උත්තරය බොහෝ දෙනෙක් නොදන්නා බවට කිසි සැකයක් නෑ. උදෑසනින් අවදිවන ඔබට උණුසුම් කෝපි කෝප්පයක් නැතුවම බැරි හැඟීමක් දැනෙන්නට පුළුවන්. නමුත් ඔබට ඔබේ කෝපි කෝප්පයෙන් ලැබෙන උපරිම ජවය ලබාගැනීමට නම් පෙනෙනවාට වඩා යමක් එහි සිදුවන බව දැනගැනීම වටිනවා. අපේ ශරීරය ස්වභාවයෙන්ම නිර්මාණය වී ඇත්තේ අපගේ එදිනෙදා ජීවිතය ගතකිරීමට අවශ්‍යවන ආකාරයටයි. ජෛව ඝටිකාවක් එහෙම නැත්තන් biological clock එකක් මගින් අපේ ශරීරයේ කටයුතු පාලනය කෙරෙනවා. මෙමගින් අපි නිදාගන්න කාලය සහ අවදියෙන් සිටින කාලය සම්බන්ධයෙන් කටයුතු පාලනය කෙරෙනවා.මේ කටයුතු ඉටුකිරීමට අවශ්‍ය දායකත්වය ලබා දෙනු ලබන්නේ කෝටිසෝල් නමැති හෝර්මෝනය මගිනි. අප සාමාන්‍යයෙන් අවදි වන අවස්ථාවේ මේ කෝටිසෝල් මට්ටම ඉහල අගයක පවතී. සාමානයෙන් උදෑසන 8 – 9 කාලය අතර මේ මට්ටම එහි මුදුන් අගයට පැමිණේ.
මෙවැනි අවස්ථාවක කැෆින් පානය කිරීම මගින් වන බලපෑම පහත විඩියෝවෙන් ඔබට දැකගැනීමට හැකිවේ. කෝටිසෝල් මට්ටම උපරිම අගයකට පැමිණෙන අවස්ථාවේ කැෆින් ශරීරගත වීම නිසා කැෆින් මගින් ඇති කෙරෙන බලපෑම උදාසීන වී යන අතරම ශරීරය තුල කෆින් වලට එරෙහි ප්‍රතිරෝධයක් ද ගොඩනැගෙනු ඇත. මේ නිසා ඔබට අනාගතයේ අවදියෙන් සිටීමට අවශ්‍ය කැෆින් ප්‍රමාණය පෙර අවස්ථාවලට වඩා ඉහල අගයක් ගනු ඇත.
මේ නිසා ඔබේ ශරීරයේ කෝටිසෝල් මට්ටම් පහල යන අවස්ථාවල කෝපි පානය කිරීම මගින් ඔබේ කොපි කෝප්පයේ උපරිම ප්‍රයෝජනය ඔබට ලබාගැනීමට හැකිවනු ඇත. සාමාන්‍යයෙන් උදෑසන 8-9ත් අතර දහවල් 12-1ත් අතර සහ සවස් කාලයේ 5.30-6.30ත් අතර කාල වල cortisol මට්ටම ඉහල බව අනාවරණය කරගෙන තිබේ.
නමුත් ඔබ උදෑසනින්ම අවදි වන පුද්ගලයකු හෝ ප්‍රමාද වී අවදි වන පුද්ගලයකු නම් ? මේ පිළිබඳව ඔබට වීඩියෝ පටය නැරඹීමෙන් දැන ගැනීමට පුළුවන්. ඔබ කුමන වෙලාවක අවදි වූවත් ඔබ අවදි වන මොහොතේ කෝටිසෝල් මට්ටම 50%කින් පමණ ඉහල ගොස් තිබේ. එම නිසා අවදි වී පැයක් පමණ නික්ම යන මොහොතේ කෝපි කෝප්පයක රස බැලීමෙන් ඔබට දවසේ ඉතිරි කාලය ප්‍රබෝධමත්ව ගතකිරීමට හැකිවනු ඇත.



අතර්ජාලයෙන් උපුටා ගැනීමකි